BALITA Espesyal—Dinosena nga baby pusit ro ginpadaea sa kahawaan agud nga maobserbahan ro epekto it nasambit nga pagbiyahe sa andang eawas.
Kaibahan ro 128 nga Hawaiian bobtail squid sa Spacex resupply mission nga nag-eupad paagto sa International Space Station kan-o eamang.
Nagaeaum ro mga scientist nga ro pagahimuon nga pagtuon sa mga pusit hay makabulig sa pag-usoy it pamaagi agud nga maprotektahan ro ikamayad nga eawas it mga astronaut samtang sanda hay sa kahawaan.
Natukiban nga pareho nga nadidisturbo ro immune system it tawo ag ko mga pusit kon sanda hay sa kahawaan rason nga tuyo it pagtuob nga tukibon ro mga kabangdanan kara.
Pagkatapos it andang pagpabilin sa kahawaan hay frozen nga magabalik sa kalibutan ro mga pusit agud nga sanda hay mapreserba ag mas pang matun-an it mayad it mga siyentista.
