Kasunod it uman nga pag-inabo it mga badjao sa banwa it Kalibo hay ro pagdaea man kara it perwisyo sa ibang mga tawo
Bangud kara nagahimo eon it tikang ro konseho it Brgy. Poblacion, Kalibo kaibahan ro Lokal nga gobyerno it Kalibo angot sa nasambit nga problema.
Suno kay Brgy. Kagawad Kim Melgarejo nga sambilog ro tag-iya it eugta nga presenteng ginatiniran it mga raya ro nagdangop sa andang opisina.
Gusto sigon kara nga pahalinon ro mga badjao sa anang lugar bangud sa mga pamatasan it mga raya.
Mag-eowas sigon sa masangag ro mga raya hay mahigkuon pa.
Suno pa kay Melgarejo nga sa makaron hay nakataeana nga magapatigayon sanda it maid-id nga pagpueong kun siin temporaryo nga igahalin ro mga igmanghod naton nga Badjao antes nga pabalikon sa andang kaugalingon nga lugar.
Nasayuran nga kapin sa masobra 20 bilog ka mga badjao ro presente nga nagatinir sa sangka boarding house sa may bahin it Ureta road Brgy. Andagao, Kalibo.
