KALIBO,Aklan– Padayon sa makaron ro ginpatigayon nga monitoring it Kalibo Municipal Police Station sa sigidas nga aeabutan it mga badjao sa banwa it Kalibo.
Raya hay kasunod man it pilang ka mga reklamo nga ginapaabot kanda it mga pumueuyo.
Suno kay PCapt. Ricky Bontogon, Hepe it Kalibo PNP nga sandig man sa andang assessment sa nasambit nga mga badjao hay nagabueos-bueos ro mga raya sa pagtinir sa sangka lugar.
May pilang maga-abot sigon ag mapanaw man para magbaylo it area nga pagatiniran.
Angot kara, nasayuran nga ro pila sa mga raya hay nagatinir sa may bahin it Oyotorong St., Kalibo.
Madumuman nga nauna eon nga ginpauli ro mga badjao kun siin ro mga raya naghalin apang makataliwan eamang it pilang ka mga binuean hay balik Kalibo eon man ro pila sa mga raya.
