REGIONAL News — Gina-usisa makaron it Police Regional Office-6 ro mga bag-ong grupo it sindikato it droga nga posibleng naga-operate sa Western Visayas.
Ginpahayag ni PRO-6 chief Police Brig. Gen. Jack Wanky nga ginatumod it Regional Intelligence Division ro link it mga bag-ong nadakpan nga drug suspect sa mga bag-ong mabahoe nga grupo.
“Sinusubukan naming malaman kung sila ay konektado sa isang syndicated na grupo o kung sila ay nagpapatakbo nang independyente,” pahayag ni PRO-6 Wanky.
Pilang bag-ong natumod nga drug suspects ro naboe-an it mabahoe nga bulto it droga sa mga operasyong ginpatigayon sa siyudad it Iloilo ag mga kaiping nga probinsiya.
Uman nga gin-insister ni Wanky nga may posibilidad nga ro mga bag-ong suspek hay kaibahan sa sangka grupo bangud nga owa sanda nagatau it anumang impormasyon kat sanda hay pangutan-on.
Ro pagkamatay it mga gina-alegar nga drug lords nga nakabase sa Iloilo nga sanday Melvin “Boyet” Odicta Sr. ag Richard “Buang” Prevendido hay ginakabig nga nagwakas eon ro kalakalan it iligal nga droga sa Western Visayas ko tiempo it Duterte administration.
Ginahueat ni Wanky ro report it Regional Intelligence Division.
Nakakumpiska ro PRO-6 it haeos P30.5-milyong balor it shabu sa ginkasa nga 176 nga anti-drug operations sa bilog nga rehiyon umpisa Hunyo 1 hasta 22.
May kabilugan nga 237 drug suspects ro naaresto ag nakabo-oe it kapin sa 4,484 gramo it shabu.
