NATIONAL News — Sa pagsueod it unang adlaw it Abril, siguradong uman eon man nga magaguwa ro waea-tuo nga mga hirit nga jokes ag pranks. Raya hay bangud sa April Fools’ Day nga gina-selebrar bukon eamang sa Pilipinas, kundi sa nagkaeain-eain nga mga nasyon.
Apang antes bumanat it jokes ag pranks, ginapadumdum nga bukon it tanan hay dapat nga obrahon nga joke.
Bangud kara, nagtau ro mga eksperto it mga bagay nga indi dapat obrahon nga sentro it pranks ag jokes makaron nga April Fools’ Day.
Antes nga bumanat it jokes, dapat anay nga isipin ag taw-an it konsiderasyon ro: “Do no harm.”
Angot kara, gina-engganyo it mga eksperto ro tanan nga mga “prankster” nga likawan ro mga joke nga may kaangtanan sa mga “sakit.”
Indi man sigon dapat nga obrahon nga sentro it sunlog ro physical features ag mental health it sangka tawo.
Eabaw sa tanan, indi obrahon nga joke ro angot sa “death” ukon pagkaduea it kabuhi.
Owa man gina-rekomendang mag-joke it mga bagay nga may kaangtanan sa krimen ag seguridad, kapareho it mga “bomb joke.”
Kabay nga maging masadya kunta ro April Fools’ Day it kada isaea apang paka-isipon gihapon ro kamaeayran sa isigkatawo.
Happy April Fools’ Day!
