KALIBO, AKLAN — Gin report it sangka 24-anyos nga construction worker sa otoridad ro nakit-an nga magkasari-sari nga bala ag sangka pampasabog sa sangka sementeryo sa Kalibo, Aklan.
Suno kay SPO4 Vengie Repedro, Explosive and Ordinance Division (EOD) Technician it Aklan Public Safety Company nga ro mga narekober hay gina eakipan it 79 rounds it caliber 30; 10 rounds it caliber 5.56; 17 rounds it caliber 50 nga mga bala kamana man it sangka mortar propeller; tatlong empty cartridge ukon shell it 20mm anti-aircraft.
Nakasueod ro mga raya sa sangk envelope ag may nakasueat nga mga kataga nga “Kung sino man po ang makakita nito pakibigay sa pulis. Salamat.”
Gin pahagan-hagan man ni SPO4 Repedro ro kabaeaka it publiko sa nasambitang insidente.
Gina patihan nga naghalin ro mga raya sa pamilya it namatay nga suldado nga sa kahadluk nga makasuhan engkasong direktang i-tau sa mga otoridad dahilan nga inaywan eon lang sa bisinidad it Medalla Milagrosa Cemetery.
Samtang, nagpanawagan si Repedro sa mga may baril, bala ukon pampasabog nga iturn-over ro mga raya sa pulisya.
Sa kustodiya eon it Aklan Public Safety Company ro mga bala ag pampasabog para sa naga kaigong disposisyon.
