Business News————Gina engganyo it Bangko Sentral ng Pilipinas (BSP) ro mga bangko ag iba pang financial institutions nga magtau it relief measures sa andang mga borrowers nga apektado it hard lockdown sa tunga it uman nga pagtaas it COVID-19 infections tuga it mas makataeapon nga Delta variant.
Ginhambae it central bank nga ro kliyente it mga bangko hay pwedeng magpaeapit sa BSP-supervised financial institutions sa tunga it kawad-an it mandatory moratorium ukon grace period para sa mga loans matapos nga ibutang eon man it gobyerno ro National Capital Region ag kaiping nga probinsiya sa Enhanced Community Quarantine ko Agosto 6 hasta 20.
Umpisa nga magtuhaw ro COVID-19 outbreak ko nagtaliwan nga dag-on, nagtanyag ro BSP it regulatory relief measures sa mga banko agud nga ma-engganyo sanda nga magtau it dugang nga pautang ag mag-extend it bulig sa mga borrowers nga eubus nga naapektuhan it pandemya.
