Nagstrikto sa pautang ro mga bangko ko third quarter ag ginaeauman nga magapabilin nga strikto sa pautang ro mga raya makaron nga quarter.
Suno sa Senior Bank Loan Officers Survey it Bangko Sentral ng Pilipinas (BSP), nagastrikto ro mga bangko sa pagpautang sa mga kompanya bilang pag-dahan para indi malugi.
Sambilog pang rason sa pagstrikto hay naga-aeang-aeang ro mga bangko sa pinansiyal nga kondisyon it mga kompanya.
Makaron nga fourth quarter, ginaeauman it Bangko Sentral ng Pilipinas nga padayon gihapon nga magastrikto ro mga bangko bangud sa ginaeauman nga naga-aeang-aeang gihapon ro mga raya sa kahimtangan it mga kompanya.
Nakikita man it mga bangko nga magastrikto ro mga regulasyon ag ginadahanan man nanda ro andang kaugalingon nga kwarta rason nga nagastrikto sanda sa pautang sa mga kompanya.
Mag-eowas kara, nagstrikto man ro mga bangko sa pautang sa mga households sa third quarter para amligan ro andang kita ag ginaeauman nga magapabilin man hasta makaron nga quarter.
