Balitang Espesyal———-Naghilera it mga baso it beer nga may nakasinding kandila ro mga tag-ana it ilimnan ag kaean-an sa Prag, chek Republic para iprotesta ro sobrang instrikto it gobyerno sa andang industriya sa atubang it kampanya agud nga mapugngan ro pagkalhit it COVID-19 idtu.
Base sa report, nagareklamo ro mga pub owner sa mabahoe nanda nga lugi ag pagkaduea it trabaho it andang mga empleyado.
Nagapangayo man sanda it dugang nga suportang pinansiyal sa gobyerno para sa andang sektor.
Nag-abot sigon sa sang kilometro ro linya it mga baso nga may kandila nga kapin sa daywa hasta tatlong yarda ro kaeayuon sa kada isaea.
Mag-eowas sa mga baso, nagbutang man ro mga nagaprotesta it sangka kabaong nga may kaibahan nga eansang nga simbulo it eubusang pagkamatay it andang mga negosyo.
Bangud sa uman nga pagtaas it kaso it COVID-19, ginmandu it chek government nga ipasarado ro mga restaurant ag mga ilimnon antes nga iselebrar ro paskwa .
Ginatantiya nga may una nga 740,000 nga COVID-19 sa nasambit nga nasyon ag 12,000 ro napabalitang namatay.
Nag-umpisa nga magtaas it uman ro tinamaan it virus sa Chek ko Oktubre.
