Ro mga bawae nga obrahon pagkatapos nga magkaon hay ro mag-eubog ukon magkatueog.
Suno sa mga eksperto nga kinahangean anay sigon nga pataliwanon ro daywang oras antes nga matueog bangud nga kon maga-eubog ukon magkatueog ka eagi matapos magkaon hay posibleng makaangkon it indigestion ag acid reflux.
Kumbaga, indi ka matunawan, bangud nga ro pagkaon hay naka-stuck pa sa tiyan.
Maga-aslum ro tiyan nga magasaka paagto sa esophagus ukon maga-abot hasta sa tutunlan.
Pwede ka man nga bangunguton kon magkatueog nga busog.
Bawae man nga mapwersa ro eawas pagkatapos nga magkaon kapareho it pagdaeagan, pagbisikleta ag paghakwat it mabug-at.
Raya hay bangud sa posibilidad nga makaangkon it appendicitis.
Mayad kon magpahuway anay sa sueod it sang oras ukon magtindog agud nga magpanaog ro ginkaon.
Bawae man nga magpaligos pagkatapos nga magkaon.
Sa mga unga okey eamang ro magpaligos eagi apang sa magueang hay owa ginarekomenda.
Suno sa research, kon nagapaligos pagkatapos nga magkaon, naga-agto ukon nagapokus ro dugo sa inyong mga alima ag siki.
Naapektuhan kara ro digestion it pagkaon nga posibleng magtuga it komplikasyon sa atong ikamayad nga eawas.
Ginarekomenda it mga eksperto nga maghueat it 30 minuto matapos magkaon antes nga magpaligos agud nga masiguro nga nag-digest ag na-absorb eon it inyong eawas ro mga kinaon.
Bawae man nga magkaon it prutas.
Maagto ro atensyon it tiyan naton sa prutas sa baylo nga sa heavy meals nga una naton nga ginkaon.
Bawae man nga magtsaa ukon magkape.
Suno sa research, ro mga raya hay naga angkon it acid nga nagapatig-a it protina.
Kon nagatig-a ro protina, mabudlayan ro digestive system nga raya hay tunawon.
