KALIBO, Aklan—Ginaeauman eon ro pagdagsa it mga eskursyunista sa mga baybayon, kasubaan ag resorts sa bilog nga probinsya it Aklan.
Raya hay angot sa nagahilapit nga kapyestahan ni Sr. San Juan de Bautista sa Hunyo 24.
Bangud kara, ginpahayag ni PCapt. Aubrey Ayon, tagapaghambae it Aklan Police Provincial Office ukon APPO nga full blown ro deployment it mga kapulisyahan it mga natungdan nga banwa eabi eon ro may mga coastal areas.
Magabutang sigon it police assistance desk agud nga madali nga makapangayo it assistance ro publiko engkaso nga sanda hay magakinahang-ean.
Mag-eowas kara, may magalibot man nga mobile patrol bukon eamang it sa mga kasubaan ag baybayon rason nga eauman man ro presensya it mga kapulisan sa mga karsadahon.
Ginpahayag dugang ni PCapt. Ayon nga ginaantisipar eon nanda ro pagbuhos it numero it mga magapaligos sa mga baybayon ag kasubaan eabi eon nga natuon sa weekend ro San Juan celebration.
