KALIBO, Aklan—Bukas ro mga baybayon ag kasubaan nga sakop it banwa it Tangalan para sa selebrasyon it kapyestahan ni San Juan de Bautista makaron nga adlaw.
Apang, ginklaro ni Tangalan mayor Garry Fuentes nga para eamang raya sa mga tangalanon nga nakasueod sa edad nga ginarequired sa guidelines it national Inter Agency Task Force.
Nagkasugot suno kana ro mga opisyal it kada barangay nga pasugtan nga magpaligos ro andang mga pumueoyo sa natungdan nga baybayon ag kasubaan apang kinahang-ean it mga raya nga magsunod sa ginapatuman nga health protocols kaparehas it mandatory nga pagsuksok it face mask ag pag-obserba sa physical distancing.
Kaangot kara, hugot nanda nga igamonitor ag pagabantayan ro natungdan nga coastal area para masiguro nga uwa it makadayo halin sa mga kaeapit nga kabanwahanan.
