KALIBO, Aklan—Ginbalita it Bureau of Fisheries and Aquatic Resources (BFAR) nga nagapabilin nga eowas sa makahieilo nga red tide ro baybayon it Western Visayas ko Nobyembre 5, 2021.
Sa pinakabag-ong bulletin it pamunuan, nakabaehag nga eowas nga kaunon ro mga shellfish sa mga baybayon nga sakop it Altavas, Batan, ag New Washington sa Batan Bay, sa Aklan; kamana man sa Sapian Bay sa Ivisan ag Sapian sa Capiz; Mambuquiao ag Camanci, sa banwa it Batan, Aklan; coastal waters it Pilar, Panay, President Roxas, ag Roxas City, Capiz basta nga preska ro mga raya ag nalimpyuhan it mayad.
Eowas man sa red tide ro mga baybayon it Gigantes Islands, sa Carles Iloilo ag E.B. Magalona, Talisay City, Silay City, Bacolod City, Hinigaran, ag Victorias City sa Negros Occidental.
Samtang, padayun nga ginamonitor makaron it BFAR bangud sa presensiya it red tide toxins ro Matarino Bay sa Eastern Samar; Villareal, Cambatutay ag San Pedro Bays sa Western Samar; coastal waters it Biliran Island ag Dauis ag Tagbilaran City sa Bohol.
Nauna kara, nagpositibo man sa paralytic shellfish poison ro mga baybayon nga sakop it Daram Island, Maqueda, ag Irong Irong Bays sa Western Samar; Baroy sa Lanao del Norte ag Cancabato Bay agTacloban City sa Leyte.
