KALIBO, Aklan–Haeos sa full capacity ro mga beaches sa probinsiya it Aklan sa kapistahan it San Juan de Bautista ag natiempo pa sa weekend ag swelduhan.
Raya hay base sa monitoring nga ginpatigayon it Provincial Disaster Risk Reduction and Management Office (PDRRMO)-Aklan.
Angot kara, ginpahayag ni Mr. Roger Tomagtang , nagapanag-iya it cottages sa Andagao Baybay nga antes pa man ro hunyo 24 hay maabu eon ro nagpa-reserved rason nga puno ro andang pito nga mga cottage.
Kumpara ko nagtaliwan nga mga dinag-on sa pagtama it pandemya hay haeos lugi sanda bangud sa mga restrictions nga ginapatuman kontra covid 19.
Kaeabanan suno kana nga nagapataas sanda it sukot sa renta kada san juan nga halin sa dating 300 pesos hay 500 pesos makaron ro kada cottage.
Fully booked sigon ro iba pang mga cottages sa lugar hasta hin-aga nga adlaw it domingo bangud sa pagbuhos it mga naga-excursion.
Nagapatuman sigon sanda it first come , first serve basis sa andang cottage rental.
Apela man nanda sa mga naga excursion nga likawan nga magdaea it mga ayam agud nga makalikaw sa dog bite.
Sanda sigon ko anang unga ro nagaserbing lifeguard partikular sa mga bisita nga nagapaligos.
