Gin-umpisahan eon it Department of Social Welfare and Development ro pagreview sa listahan it mga benepisyaryo it Pantawid Pamilyang Pilipino Program ukon 4P’s.
Raya hay kasunod man sa mando ni DSWD Secretary Erwin Tulfo nga limpyuhan ro listahan pinaagi man sa pagkakas sa mga benepisyaryo nga bukon eon it kwalipikado nga magbaton it benepisyo halin sa gobyerno.
Suno kay Beverly Salazar, provincial league it 4P’s nga may 27,851 nga benepisyaryo sa bilog nga probinsya it Aklan kon siin kaibahan eon sa nasambit nga numero ro mga Indigenous People maghalin sa Libacao, Madalag ag Malay.
Ginpaathag nga kon umabot eon sa 18 anyos ro andang mga onga hay sambilog eon raya sa grounds nga makakas sanda sa listahan.
Mag-eowas kara, kon may nagatrabaho eon sa sueod pamilya ukon supisyento eon sanda sa pagpangabuhi hay pwede eon sanda nga makakas.
May kaangtanan kara, magapatigayon it assessment ro ahensya sa tanan nga mga benepisyaryo it 4P’s.
