Bukon it bilog ro adlaw kon owa it chismis.
Raya ro motto it mga tawong kaibahan eon sa daily routine ro pakikipag-chismisan.
Apang nasayuran baea ninyo nga may good benefits ro pakikipag-Marites ukon ‘Mare, ano’ng latest?.
Suno sa mga eksperto, oportunidad ro pakikipag-chismisan agud nga ma-release ro level it emosyon, kun sa siin ginpahayag ni Deborah Beroset, sangka communication expert, sa bulig it pakikipag-chismisan, nalilikawan nga matipon ro kaeain it buot it tawo kamana man ro anuman nga emosyon.
Kon owa it ginatago nga emosyon, okey ro daeagan it dugo sa eawas ag happy ro heart.
Ginpahayag dugang nga bukon it pirmeng negative ro pakikipag-‘Marites’ bangud nga raya hay sangka bonding.
Kun sa siin ginpamatud-an sa research it Stanford University nga may mamami raya nga epekto sa pag-develop it atong personality.
Nakakabulig man raya nga ma-improve ro atong pakikisama ukon pakikipagkapwa-tao, kamana man nga nai-improve ro sportsmanship ag pagiging cooperative it indibidwal.
Sambilog pa sa mga benepisyo it pakikipag-chikahan hay nakaka-relieve raya it stress ag anxiety.
Sa bulig it pakikipag-chismisan, makaangkon it chansa nga makapag-open it problema ukon anumang nagadisturbo sa kaugalingon.
Okey man raya nga obrahon nga outlet ukon temporaryong pang-distract agud nga indi masyadong isipon ro mga grabeng problema.
Ginpadumdum man it mga eksperto nga sa pihak it mga benepisyo it pagiging Maritess, indi naton pagkalipatan nga maskin ano pa raya kasadya , indi naton pag-ubuson ro tiempo sa pakikipag chismisan.
Saktuhan eang, kumbaga owa it dugang ag bawas sa mga istorya nga gina-share, apang kon indi malikawan, siguraduhon nga owa it isigkatawo nga matapakan.
