KALIBO, Aklan—Ginbak-eas eon ro mga border control checkpoint it pulisya pasueod sa banwa it Kalibo matapos nga ipabilin it national Inter-Agency Task Force ro aklan sa general community quarantine ukon GCQ hasta sa Oktubre 31.
Nauna eon nga gintukod ro mga border control sa punta it tulay sa barangay Bulwang, Numancia, barangay Tigayon ag Caano, Kalibo bilang kaparte it pagtapna sa COVID-19.
Sa makaron ro aklan hay sambilog sa mga probinsiya nga may manaba nga kaso it COVID-19 rason nga nakaangkon it sangkiri nga paghaeuga.
Apang suno kay Kalibo mayor Emerson Lachica nga raya hay temporaryo eamang ag ginahueat pa ro igapaguwa nga bag-ong executive order ni Aklan Governor Florencio Miraflores para sa mga guidelines.
Ginpahayag dugang nga hasta Setyembre 30 eamang ro andang nakasugtan it kalibo municipal police station sa pagtukod it border checkpoint sa nasambit nga mga lugar.
