Sangka high school sa Wilbraham, Massachusetts ro padayun nga nagalobo ro electric bill bangud nga indi nanda mapatay ro 7,000 nga bumbilya sa bilog nga eskwelahan.
Umpisa pa katong Agosto 2021, indi eon ma-switch-off it mga taga-Minnechaug Regional High School ro andang smart light system bangud sa software failure.
Bangud kara, 24 hours and 7 days a week nga nakabukas ro mga iwag sa bilog nga eskwelahan sa sueod it 17 months.
Ko 2012, ginbutangan it smart light system ro bilog nga campus agud nga makatipid sa kuryente.
Apang owa ginpabutangan it physical light switch ro mga raya ag ro may control eamang sa pag-on ag off it mga iwag hay ro computer software.
Kat makaangkon it software failure ro mga iwag, owa it naibulig ro mga naga-install kara bangud nga iba eon ro management ag nagapanag-iya it kompanya.
Owa eon it access ro bag-ong management sa software nga gingamit sa eskwelahan.
Ro sangka pamaagi eon lang hay bayluhan ro anang hardware.
Apang sa kasagsagan it pandemic ko 2021 ag mabudlay nga mag-usoy it spare parts sa China rason nga natengga ro pagbaylo it hardware it smart lights.
Pag-abot it Enero 2023, maabung residente it Wilbraham ro naga kuwestiyon makaron sa nagaka-uyang nga taxpayers’ money bangud sa electric bill it eskwelahan.
Bangud kara, nag aksyon eon ro mga awtoridad ag ginpromisa nanda nga sa Pebrero hay maayos eon ro mga iway sa eskwelahan.
