KALIBO, Aklan—Ginaeauman nga magataas pa ro numero it mga namatay bangud sa pagpanaeasa it hurricane Ida.
Suno kay Bombo International Correspondent Greg Aguilar nga dinosena eon ro namatay sa New Jersey, New York City ag Pennsylvania bangud sa record-breaking nga flash flood nga sumueod sa mga basements it mga apartments ag mga subway stations.
Nagdeklara eon suno kana it state of emergency si New York City Mayor Bill de Blasio bangud sa ginatawag nga makasaysayan nga weather event.
Gindugang pa ni Aguilar nga bangud sa climate change hay naexperiensiyahan ro grabeng uean nga nagresulta sa flash floods nga may kaibahan pa nga tornado.
Kaabuan suno kana sa mga residente hay owa nakapahaum rason nga ro iba kanda hay na-trap sa sueod it andang saeakyan ag sa pilang tren.
Nagdeklara man it state of emergency si New Jersey Governor Phil Murphy bangud sa epekto it bagyo.
Pila pang estado nga naapektuhan hay ro Connecticut, Mary Land ag Virginia.
Nauna kara, tumama anay ro bagyo sa Louisiana ag Mississippi eakip ro New Orleans kun sa siin masobra sa sang milyon nga mga kabaeayan ag negosyo ro naduea-an it supply it kuryente.
