KALIBO, Aklan— Maabong mga fans ro nagbantay sa pagguwa it magkarelasyong Barbie Forteza ag Jak Roberto kamana man sanday Paul Santos ag Mika Dela Cruz sa Kalibo Pastrana Park.
Nagpakilig ag nagpasadya it mga “millenials” ro mga celebrity couples nga matiyagang naghueat sa andang mga performances.
Ro pagbisita it nasambitang mga celebrities hay nakadugang kulay ag kasadya sa nagtaliwan nga week-long celebration it Kalibo Sto. Niño Ati-atihan Festival 2019.
Samtang, ginsiguro man it Aklan Provincial Police Office (APPO) ro kaeowasan it mga bisita kon siin, masobra sa sang libong mga pulis ro nagkahlit sa nagkaeain-eain nga lugar sa banwa it Kalibo.
Ro dag-unang Kalibo Sto. Niño Ati-atihan Festival hay ginakabig nga “Mother of All Philippine Festivals” nga ginapangunahan it event organizer nga Kalibo Sto. Niño Ati-atihan Foundation Inc. (KASAFI).
