KALIBO, Aklan — Nagapanguna sa gihapon sa mga turistang nagabisita sa isla it Boracay sa unang limang buean it dag-on hay ro mga Chinese ag Koreano.
Base sa ginpaguwa nga datos it Malay Municipal Tourism Office, raya hay kapin sa 79 porsiyento it kabilugan nga international tourist arrivals.
Umpisa Enero hasta Mayo, pinakamabahoe nga contributor it outbound visitors ro mga Chinese tourist nga may 218,161.
Raya hay ginsundan it 160,973 nga Korean, pangatlo ro mga Amerikano nga may 12,424 arrivals samtang ro pang-ap-at ro Taiwanese nga may 10,953 ag Russians nga may 6,614.
Kabilugan nga 480,856 ro nailistang foreign tourist arrivals nga nagtaas it 12 porsiyento kumpara sa 430,785 sa kaparehong period ko nagtaliwan nga dag-on..
Nagnaba man it 10 porsiyento ro numero it mga Pinoy nga nagbisita sa isla umpisa ko Enero hasta Mayo, 2019 nga umabot eamang sa 443,182 kumpara sa 493,159 ko 2018.
Umpisa ko Hunyo 4, nakalista it 358 nga accommodation establishments nga may 12,952 rooms ro ginpasugtan nga makapag-operate it Boracay Inter-Agency Task Force.
