KALIBO, Aklan — Haeos fully-booked eon ro mga hotels ag resorts sa isla it Boracay bangud sa padayun nga pag aeabutan it mga Chinese tourist nga mas pinili nga i-selebrar ro Chinese New Year sa isla.
Suno kay Caticlan jetty port administrator Niven Maquirang nga gina eauman eon nanda ro pagbuhos it mga turistang Chinese kamana man it mga Koreano ag Taiwanese nga nag-advance booking para sa nasambitang selebrasyon.
Gin pahayag pa ni Maquirang nga umpisa pa ku Enero 1 hasta it 31 it makaron nga dag-un hay nagpanguna sa gihapon ro mga Chinese sa tourist arrivals nga naga abot sa 54,615.
Gin sundan raya it mga Koreano nga nakalista it 44,458; USA nga may 2,567; Russia nga may unang 2,360; Australia nga may 2,107; Taiwan nga umabot sa 1,915 ag United Kingdom nga 1,820.
