Kasubo ro nabatyagan it mga overseas Filipino workers ukon OFW’s sa kada mag-abot ro tyempo it paskwa bangud nga maeayo ro mga raya sa andang pamilya.
Apang sa pihak kara hay may kalipay sa gihapon sa andang tagipusuon bangud nga mag-eowas nga makata-o sanda it pang noche buena sa andang pamilya hay sanda-sanda man mismo nga mga Pilipino nagahimo it pamaagi para mapahalipay ro andang kaugalingon.
Sa nasyon it Romania suno kay Bombo International Correspondent Daisy Arellano hay mabatyagan ro espiritu it paskwa sa unang dominggo it buean it Disyembre.
Raya hay matapos nga may mga christmas bazaar kon siin pwede ka nga maglibang sa mga ginbutang nga peryahan ag mga food stalls nga patok ro mga Romanian food and delicacies.
Sa eksaktong petsa nga Disyembre 10 hay ginapahayag ro mga christmas lights nga ginbutang sa mga christmas decoration.
Uwa suno kana it simbang gabi apang may sangka english mass para kanda nga mga kristyano.
Kaeabanan nga mga Romanian hay nagabakasyon sa ibang lugar kaibahan ro andang pamilya sa tyempo it paskwa hasta it Bag-ong dag-on.
