KALIBO, Aklan—Hugut nga gina-monitor sa probinsiya it Aklan ro mga cockfighting arena matapos nga ginmandu it National Inter-Agency Task Force for the Management of Emerging Infectious Diseases ro temporaryong pagsuspinde sa operasyon it mga bueangan maskin sa mga lugar it General Community Quarantine (GCQ) ag Modified General Community Quarantine (MGCQ) sa tuyo nga malikawan ro mas pang pagkalhit it Coronavirus sa nasyon.
Suno kay League of the Municipalities of the Philippines ukon LMP-Aklan Chapter president ag Ibajay mayor Jo-en Miraflores nga ro nasambit nga mandu hay suportado it Department of the Interior and Local Government ukon DILG
Sa sueod sigon it bueangan hay indi malikawan ro pagtipon-tipon it maabu nga mga tawo ag nabalewala eon ro social distancing.
Bangud sigon sa nagatinaas nga kaso it COVID-19 rason nga ginpaguwa ro resolusyon.
Madumduman nga nauna eon nga ginpasugtan ro cockfighting sa pilang lugar sa idaeum it MGCQ ko Oktubre 2020.
