National News———–Indi eun puwedeng gamiton pa ro mga COVID-19 vaccines nga nakumpiska maghalin sa mga illegal nga nagabaligya kara.
Ginpahayag raya ni Food and Drugs Administration director general Eric Domingo maskin pa napamatud-an man nga genuine ro mga nakumpiskang bakuna.
Gina-insister ni Domingo nga owa it kasiguraduhan nga maayos ro handling sa mga bakuna ag pwede man nga nakompromiso ro temperatura nga required.
Makit-an man sigon sa sangka video nga sa cooler eamang sa sueod it saeakyan nakasusoed ro mga illegal nga ginabaligyang bakuna, mag-euwas pa sa bukas eun ro packaging it pila sa mga raya.
Sa makarun hay padayun nga gina-usyo it mga awtoridad ro source it mga bakunang illegal nga ginabaligya agud nga matumod kung smuggled ro mga raya ukon ginbo-oe maghalin sa supply it gobyerno.
Angot kara, nagpanawagan si Domingo sa publiko nga gilayon nga isugid sa FDA ro mga ginadudahan nga nagabaligya it COVID-19 vaccines.
Pwedi man sigon rayang ubrahon pamaagi sa pagbisita sa andang website.
