Ro sakit sa likod ag pueanan hay nababatyagan it haeos tanan nga tawo.
Naga-umpisa raya sa edad nga 40 anyos pataas.
Kon sobra sa timbang, may problema sa likod kaparehas it Scoliosis, ukon uwa naga-ehersisyo, mas temprano raya nga mabatyagan.
Ro masami nga rason it pagsakit sa likod hay ro muscle strain ukon sprain ukon ro sakit it kaunod-unuran.
Ro rason kara hay ro pagkapuwersa sa masel sa likod bangud sa saea nga posisyon sa pagkatueog; saea nga pagpungko ukon nakadungok ag ro paghakwat it mabug-at.
Bangud kara, ginalaygay it mga eksperto nga perming mag-ehersisyo, pabaskugon ro masel sa likod, inde maghakwat it mga mabug-at, magpungko it diretso, inde paghiluton ukon padaganan ro likod bangud nga may posibilidad nga mabalda ukon mapilay ka.
Samtang, kon inde maduea ro pagpanaeakit it likod sa sueod it daywang dominggo, kumunsulta eon sa sangka orthopedic surgeon ukon rheumatologist.
