Tanan kita hay nakakabatyag it paghapdi it tiyan.
Kon nalipasan kita it gutom ukon na-stress sa trabaho, matsa naga-kutoy ro atong tiyan.
Nagapaguwa abi it sobrang acid rason nga nagahapdi ro tiyan.
Ro tawag kara hay gastritis ukon hyperacidity ag kun mag-grabe hay puwedeng maging ulcer.
Bukon eamang it bueong ro solusyon sa paghapdi it tiyan.
Mas mayad ro pagkaon it tama.
Magkaon it tig sangkiri pero pirme sa sueod it sang adlaw.
Maskin busy ka sa trabaho, indi pagkalipatan nga magkaon sa oras.
Dahanan ro tiyan.
Magkaon it saging ag tinapay.
Ro saging hay matsa bueong man bangud nga ginatapalan kara ro atong tiyan.
Ro pandesal man hay maayos sa tiyan ag makabueusog pa.
Mag-inom it tubi bangud nga epektibo raya nga panglimpyo it acid sa tiyan.
Ro tamang pag-inom hay ro pag-inom it sangkiri nga tubi kada 20 minutos.
Maglikaw sa mga maaslum ag mahaeang nga nagapahapdi sa tiyan.
Magkaon eang it mga pagkaon nga ika-relax it atong tiyan, kapareho it saging, tinapay, humay, eugaw ag tinuea.
Ag mag-relax man samtang nga nagakaon para indi ma-stress ro atong eawas.
