KALIBO, Aklan — Sa tunga it serye it mga linog sa Luzon, Visayas, ag Mindanao, nagtau it tips si action man Galo Ibardolasa it Provincial Disaster Risk Reduction and Management Office ukon PDRRMO kon ano ro dapat nga obrahon engkaso nga sa sangka building kon naabutan it pag-uyog .
Suno kay Ibardolasa nga importanteng sundan ro “duck, cover, and hold” kon nagalinog.
Apang dapat sigon nga sangka tuhod eang ro gamiton sa pag-euhod para makahueag eagi kon may mahueog nga debris.
Kinahangean man nga nakabukas ro mata kon raya hay gina-obra .
Kon sa sueod it mataas nga building, indi sigon maggamit it elevator kon naga-evacuate eon.
Sa baylu hay eagi nga magguwa sa mga fire exit.
Gindugang pa ni Ibardolasa nga magpaeayo sa mga saeaming.
Kon sa guwa eon , dapat sigon nga siguraduhon nga magtinir sa lugar nga indi mabagsakan it mga poste ag puno.
Kon maabutan man it linog sa kotse hay indi eon kinahangean nga magpanaog kon una sa open field.
Apang kon naabutan man it linog sa parking garage nga may bungbongan, dapat nga magguwa it kotse ag maghapa sa kilid agud nga paga-abangan it saeakyan ro ano mang pwedeng bumagsak nga debris.
Dapat man sigon nga magpabilin nga kalmado ag mag-training ukon mag-practice bago pa mag-abot ro kalamidad .
