Kalibo Aklan ———-Uman nga ginkrus ro abo sa dahi it mga deboto nga nagsimba sa Saint John the Baptist Cathedral Church makarun nga Ash Wednesday.
Madumduman nga ko nagtaliwan nga dag-on, ginbudbod eamang sa ueo ro abo agud nga malikawan ro physical contact.
Sambilog eamang si Adelyn Beltran maghalin sa banwa it Malinao sa mga tumoeo-o nga nagsimba kaina agud nga magpabadlis.
Suno kana nga kada dag-on hay panata eun nana raya bilang pagsunod sa ginturo kana it anang namatay eun nga magueang nga isaeang ka pari.
Bilang isaeang ka diabetic sigon hay nagapangamuyo imaw para sa anang ikaayong eawas.
Sambilog pa sa anang ginapangamuyo hay ro kinagamo makarun nga nagakatabo sa kalibutan partikular ro tensiyon sa tunga it Russia ag Ukraine.
Samtang, nagapati man sigon imaw nga ro tawo hay maghalin sa eab-ok ag magabalik man sa eab-ok.
