KALIBO, Aklan—Ginaproponer makarun it mga Democrats sa andang mamalidha nga makaangkon it $400 nga rebate sa gasolina sa kada taxpayer sa California, USA.
Suno kay Bombo International Correspondent Greg Aguilar it California U.S.A nga mabahoe ro posibilidad nga ma-aprubahan ro nasambitan nga proposisyon bangud kaabuan sa mga pomoeuyo sa nasambitan nga lugar hay democrats kaibahan eun ro andang gobernador.
Raya nga tikang hay kaparte sa gihapon it grabe nga epekto it sigidas nga pasipa it presyo it mga produktong petrolyo kasunod it nagakatabong kinagamo sa nasyong Russia ag Ukraine.
Apang bukon sigon raya it derikta nga igatao sa mga taxpayer ag igabuhin eamang sa andang pagabayaran nga tax sa masunod nga dag-on.
Nasayuran nga sa makarun hay naga-abot eun idto it kapin $5.79 per gallon ro presyo it gasolina.
Mataas raya it $1 kung igakumpara sa presyo ko Pebrero samtang mataas man it $2 sa dating presyo ko 2020.
