KALIBO, Aklan – – – Nakataeana eon nga kutkuton sa adlaw it Lunes ro mga drainage system agud masayuran kung sin-o pa ro mga illegal nga nagakonekta ag nagapilak it sewerage waste nga mga business establishments ag household sa isla it Boracay.
Sa interview it Bombo Radyo Kalibo kay Mr. Rowen Aguirre, Executive Assistant to the Mayor ng LGU-Malay, ginpahayag kara nga magapabulig sanda sa mga contructor sa isla sa pagkutkot ag pagsueod sa mga drainage canal.
Mabudlay sigon masayran ro mga illegal connectors kung owa sanda it pagagamiton nga heavy equipments.
Nagpaandam man raya sa iba pa nga mga matukiban nga violators nga igapasarado ro mga raya.
Dugang pa ni Aguirre nga gin mana eamang nanda ro nasambitang problema sa nagtaliwan nga administrasyon apang aminado man sanda nga may andang kakueangan.
Sa pihak nga parte, kampante ro LGU-Malay nga masulusyunan ro nasambitang mga environmental problems sa isla kung magabueoligan ro tanan.
