Nag-aeabutan sa bisperas it Kalibo Ati-Atihan 2023 ro mga dugang nga bisita nga ginpahaom it LGU-Kalibo para magtao it kasadyahan sa mga deboto, turista, bisita ag merrymakers sa banwa it Kalibo.
Ginkumpirma ni Carla Doromal, executive assistant 1 to the office of the mayor ro pag-abot sa banwa it Kalibo it W.A.O KPOP stars ag Bandang Letter day story.
Ro nasambit nga KPOP stars ag banda hay nagperform sa Magsaysay Park ag nakisadya sa mga merrymakers kasunod man sa gihapon sa selebrasyon it Kalibo Ati-Atihan Festival 2023.
Suno pa kana nga ginsabat ni Kalibo Mayor Juris Sucro ro tanan nga gastos it W.A.O ag letter day story kapareho it talent fee ag ro shuttle kara.
Sa pihak nga parte, kasunod it mga performances hay nagtao man it mensahe si PCSO chairman Mike Robles.
Samtang bangud man sa bad weather condition hay owa eon nakaeusot pa sa banwa it Kalibo ro gina-eauman nga pagbisita kahapon ni Senator Imee Marcos apang personal man nga na-eksperyensyahan ni Senator Ramon “Bong” Revilla Jr. ro nasambit nga kapyestahan .
