KALIBO, Aklan— Nakisadya bisan ro mga dumueoong nga turista sa dag-unang Ati-Atihan Festival sa isla it Boracay nga gin-umpisahan pamaagi sa sangka misa nga ginsundan it sadsad ukon street dancing sa frontbeach.
Suno kay Felix delos Santos, chief tourism officer it LGU-Malay, naging highlight it selebrasyon ro debosyon it mga Boracaynon kay Sr. Sto. Niño.
Nakadugang atraksyon sigon ro nasambitang selebrasyon sa mga bisita sa isla.
Nagtaas eon man sa 307 ro numero it mga compliant accommodation establishments nga may kabilugang 10,982 rooms, kon siin sanda ro ginapasugtang magbaton it bookings.
Samtang, ginkalipay it Malay Boracay Vendors Association ro pagta-o kanda it lugar sa beachfront para sa mga gustong magbakae it souvenirs ag food products.
