KALIBO, Aklan — Kadungan sa uman nga pagbukas it Boracay sa Oktubre 26, ro mga electronic tricycles e-trikes eamang ro pasugtang makabiyahe sa bilog nga isla.
Raya ro ginpahayag ni Environment Secretary Roy Cimatu sa sangka programa sa pag-umpisa it dry run.
Kaibahan sa event ro pagpirma sa Memorandum of Agreement sa gindonar nga 200 electronic tricycles it DOE sa DILG ag DoTr para sa mas malimpyo nga hangin sa isla.
Nasayuran nga kapin sa 1,000 units it environment-friendly nga e-trikes ro ginpromisang igata-o it libre it DOE sa mga drivers nga nawad-an it trabaho kasunod it phase-out it tricycles sa Boracay.
Base sa Executive Order No. 007-2018 nga ginpaguwa ni Malay Mayor Ciceron Cawaling nga imaw ro may hurisdiksyon sa Boracay, ginmanduan kara ro Malay Transportation Office nga ipatuman it amat-amat ro pag-phase-out it mga tricycles.
Mabawasan sigon it e-trikes ro air ag noise pollution sa isla.
Nauna eon nga nag-abot sa Boracay ro inisyal nga 50 e-trikes.
Ro mga tricycles halin sa isla hay pagadaehon sa mainland Malay partikular sa Caticlan agud magamit it pilang tricycle drivers.
