NATIONAL News — May epekto apang ‘hypothetical ag manageable’ ro planong “zero remittance week” it mga overseas supporters ni dating Pangueong Rodrigo Duterte.
Kumbinsido ro mga ekonomista nga ma-delay eamang raya ag magadagsa man sa masunod nga buean.
Para kay Bank of the Philippine Islands (BPI) lead economist Emilio Neri Jr., ro plano it pilang overseas Filipino workers (OFWs) nga punduhon ro pagpadaea it kwarta sa Pilipinas umpisa March 28 hasta April 4 hay nagapabilin nga “very big if,” ag depende kun masarangan it mga overseas Filipino nga indi magpadaea it kwarta sa andang mga mahae sa kabuhi.
Ginasugid nga nagpamaeag ro pilang grupo it OFW sa Europa nga indi sanda magapadaea it kwarta sa Pilipinas umpisa March 28 hasta April 4, 2025.
Ro zero remittance week hay protesta sigon sa ginhimo nga pag-aresto kay Duterte, nga nakadetine makaron sa The Hague agud nga bistahon sa International Criminal Court (ICC) sa kasong crimes against humanity tuga it ginpatuman nga kampanya ni Duterte kontra sa ilegal nga droga.
