May una eon nga rekomendasyon ro mga eksperto kung sin-o ro prayoridad nga turukan it Covid-19 bivalent vaccines, sa oras nga maging available raya sa nasyon.
Suno kay Department of Health Officer-in-Charge Maria Rosario Vergeire, base sa gin-istoryahan it mga eksperto, may inisyal eon nga rekomendasyon ro mga raya kung anong sektor ro unang mataw-an it bakuna.
Samtang, indi pa raya igapasa-publiko bangud kinahang-ean pang isapinal ro numero it mabaton nga bakuna.
Ginpahayag man ni Vergeire nga igabase nanda sa syensya ag ebidensiya ro igapagguwa nga guidelines sa pagturok it bivalent vaccines nga gin-ubra eon man ko unang parte it Covid-19 vaccination program.
Sa makaron, nakikipag-istorya eon ro DOH sa mga nagahimo it bakuna para sa pagbakae it nasyon
