KALIBO, Aklan–Nagapaidaeum eun makarun sa final briefing ro tanan nga mga election officers sa probinsya it Aklan nga nakataeanang magbantay sa paeaabuton nga May 9 national and local elections.
Suno kay Crispin Raymund ‘Dodoy’ Gerardo, tagapaghambae it Comelec-Aklan nga sa makarun hay nagahueat eun lang sanda it pag-abot it mga Vote Counting Machine ukon VCM ag VCM ballot agud nga mahambae eun nga 100 porsiyento nga haom ro andang taeatapan para nagahilapit nga eleksiyon.
Sa petsa 7 it Mayo hay nakataeanang magpatigayon it final testing it mga VCM sa tanan nga voting centers sa 17 nga mga kabanwahanan sa probinsya.
Samtang, pag-abot sa seguridad hay haom man sigon ro PNP ag AFP kaibahan ro andang ginahimo nga waea tuo nga checkpoint ag monitoring.
Samtang, tatlong dominggo antes ro eleksiyon, gina-engganyo it Comelec ro publiko nga magbinag-binag eun kun sin-o ro andang pagabotohan nga kandidato.
Mas manami sigon nga isueat sa papel ro mga ginasuportahan agud may mabitbit nga kodego sa mismong adlaw it eleksiyon ag mapadasig ro transaksiyon.
