KALIBO, Aklan—Nagpaguwa it abiso si Aklan Governor Florencio Miraflores angot sa striktong pagsunod sa mando it gobyerno nasyonal nga paga-engganyuhon ro mga pumueoyo nga magpabakuna kontra sa covid-19 agud nga maabot ro target nga herd immunity sa nasyon.
Bangud kara, required sa tanan nga empleyado it pribado ukon pampublikong kompanya ukon establisyimento nga bakunado ro mga raya kontra sa deadly virus.
Kon uwa naila magpabakuna hay igarequired ro mga raya nga magpaidaeom sa RT-PCR test sa kada daywang dominggo sa kaugalingon man nanda nga gastos.
Mag-eowas kara, ginarequired man nga maging bakunado ro una sa pampublikong transport sector, pagtransact sa mga public ag private establishment para man sa kaeowasan it andang mga commuters ag kliyente.
Apang, may exemption sa nasambit nga abiso kon may igapakita nga medical clearance nga gin-isyu it mga natungdan nga health authorities.
Ro executive order no.003 series of 2022 ni Gov. Miraflores hay epektibo umpisa makaron nga adlaw it Lunes, Enero 17.
