Kalibo Aklan ———–Hugut ro pagpadumdum it Civil Service Commission sa mga empleyado it gobyerno nga indi makisawsaw sa partisan political activity ag electioneering may kaangtanan sa nagahilapit nga national and local elections sa Mayo 9.
Suno kay CSC-aklan Director II Leo Jamorin nga sandig sa Konstitusyon ag sa naga-eksister nga rules and regulations it taeatapan ag ko Commission on Elections ukon Comelec, ro sin-o man nga opisyal ag empleyado it gobyerno hay ginabawaean nga maeakot sa anuman nga electioneering ag partisan political activity agud nga masiguro nga nakatutuk sanda sa pagserbisyo sa publiko.
Pila sa mga bawae hay ro pagsuksok it t-shirt , kaeo ukon pin nga may pangaean it sangka kandidato ukon partido ag iba pang election paraphernalias .
Sakop sigon it nasambit nga pagbawae ro mga empleyado nga naka-leave of absence .
Kinahangean man sigon nga maging madahan ro mga empleyado sa pag-post sa social media it andang mga opinyon ag iba pa may kaangtanan sa eleksyon .
Ro sin-o man nga mag-eabag hay posibleng papanaugan it penalidad nga sang buean ag sang adlaw hasta an-um nga buean nga suspensyon para sa 1st offense ag pagka-dismiss sa serbisyo sa 2nd offense .
Gin engganyo ni Director Jamorin ro sin-o man nga may reklamo nga pwedeng magdangop sa andang taeatapan .
