KALIBO, Aklan — Pagataw-an it 10 points sa Civil Service Examination ro kada empleyado it gobyerno nga masobra eon sa napueong dag-on sa serbisyo.
Suno kay OIC chief Human Resource Specialist Ferdinand Macogue it CSC-Aklan nga kaibahan sa mga pwedeng maka-avail kara hay ro mga casual nga empleyado, job order, contractual ukon co-terminos kamana man ro mga una sa category 3 ag 4 nga posisyon sa gobyerno ag first level career service employees nga may eampas sa napueong dag-on eon nga nagatrabaho sa mga ahensiya it gobyerno ag may very satisfactory performance rating sa nagtaliwan nga daywang rating periods.
Ginpahayag nga indi eon kinahangean pa nga mabo-oe ro 80% nga passing rate sa exam bangud nga maskin 70% ro anang nabo-oe nga rating hay automatic nga pagataw-an it bonus points.
Raya hay sa idaeum sigon it career service eligibility preference rating.
Tuyo sigon kara nga mataw-an it pagkilaea ag importansiya ro mga government employees nga owa it eligibility nga mabuhay eon sa serbisyo bangud sa andang maeapad nga eksperyensiya sa trabaho.
