KALIBO, Aklan–Mag-eowas sa mga e-trike, nagkaubusan man it mga equipment para sa mga turistang gustong magpatigayon it water ag sports activity ko semana santa.
Raya ro ginpahayag ni Russel Cruz, presidente it water ag sea sports activity.
Suno kana nga haeos naga-pila eon ro mga turista nga gustong mag-avail it andang serbisyo, apang bangud sa kakueangan it kagamitan ag tawuhan hay na-delay ro andang aktibidad.
Ginpaathag ni Cruz nga ko tiempo it pandemic ag sarado ro isla sa mga turista hay ginpang-tago nanda ro andang mga equipment ag nagbawas it mga personnel.
Maskin sigon sanda hay nakibot sa pagbuhos it mga turista nga owa gid nanda napahauman.
Apang kon nasunod eamang suno kana ro gintaeana nga carrying capacity nga masobra sa 19,000 hay posibleng naserbisyuhan ro mga bisita nga gustong mas pang ma-enjoy ro andang bakasyon.
Pila sa mga aktibidad nga gusto it mga turista hay ro banana boat, parasailing, UFO, jet ski ag iba pa.
Sa makaron hay gina-imbestigahan eon it boracay inter-agency task force partikular it department of interior and local government ukon DILG ro natabu matapos nga maeabag ro carrying capacity ko semana santa.
Gindugang pa ni Cruz nga kalipay sanda kon dagsa ro mga bisita bangud sa mabahoe nga income, apang kinahangean nanda nga magsunod sa ginapatuman nga patakaran.
Samtang, padayun man nga gintinguhaan it bombo radyo kalibo nga maboe-an it pahayag ro provincial government kun sa siin sanda ro may kontrol sa pagpaguwa it QR code it mga bisita, apang hasta sa makaron hay owa pa nagasabat.
