Kalibo Aklan ————Posibleng madugangan pa ro mga eskwelahan nga makaibahan sa pilot implementation it face-to-face classes.
Suno kay Dr. Miguel Mac Aposin , schools division superintendent it Department of Education (DepEd-Aklan) nga nagpangayo kanda ro central office it listahan it iba pang mga eskwelahan nga pwedeng makapatigayon it pisikal nga klase.
Apang igapaidaeum pa sigon raya sa risk assessment ag nakadepende ro pagdesisyon sa expansion it face to face classes sa DepEd ag sa Department of Health.
Sa Aklan suno kana hay owa pa it pribadong eskwelahan nga ginpasugtan para sa in-person learning.
Apang kon may mga interesado hay pagabuligan sigon nanda ro mga raya para sa pag-comply sa mga kinahangeanon nga requirements .
Samtang, doble sigon ro andang pagdahan agud nga malikawan ro aberya ag maabot ro handum nga mas maabu pang eskwelahan ag estudyante ro makapasakop sa limited face-to-face classes.
Sa pihak nga parte, ginatutukan man it ahensiya ro vaccination it iba pang mga manugturo kontra covid-19.
