KALIBO, Aklan — Owa it anuman nga naging problema sa ginpatigayon nga inspeksyon it Bureau of Fire Protection (BFP)-Aklan sa pilang mga eskwelahan nga magaserbing polling center sa maabot nga Mayo 13 nga eleksyon .
Raya ro ginpahayag ni FO2 Mark Alvin Patricio, Public Information Officer it BFP-Aklan.
Kaibahan sigon sa andang gin-usisa hay ro fire exit, electrical connections ag mga fire extinguisher.
Suno pa kana nga kaibahan sa andang pagabantayan sa eleksyon hay ro numero it mga botante nga pagapasudlon sa mga polling precinct agud nga malikawan ro overcrowding .
Ginpaathag ni Patricio nga kinahangean nga masiguro ro kaeowasan sa mga polling centers agud nga malikawan ro anuman nga aberya .
Gindugang pa kara nga magadeploy man sanda it mga fire truck sa mga banwa bilang pagpahaum sa mga emerhensiya nga posibleng magtuhaw .
