KALIBO, Aklan–Padayun nga nadudugangan ro numero it mga eskwelahan nga presenteng nagapatigayon it limited face to face classes sa school’s division it aklan nga naga-abot eon makaron sa 35.
Suno kay Dr. Miguel Mac Aposin, schools division superintendent it DepEd-aklan nga mag-eowas kara, 51 nga iba pa nga eskwelahan ro presenteng ginapaidaeum sa validation it regional office, kun sa siin, posibleng madugang sa mga pagapasugtan nga magpatigayon it in-person classes.
Ginabasehan sigon sa onsite validation ro schools safety assessment tool nga unang ginasumite sa district office antes nga igapadaea sa division office nga ro maga apruba hay ro regional office.
Kinahangean suno kana nga masunod ro tanan nga health protocols nga nakabaehag sa operational guidelines nga ginatau it DepEd ag DOH agud nga masiguro nga mayad ag eowas ro pagbukas it mga eskwelahan.
