KALIBO, Aklan — Apisar nga uwa pa eubusang natapos ro rehabilitasyon, uman nga ginpasiguro it inter-agency task force ro pagbukas it Boracay sa Oktubre 26 pagkatapos it an-om nga bueang closure.
Ginpahayag ni DENR Undersecretary Sherwin Rigor nga ro mga establisimentong nakasunod eamang sa regulasyon it gobyerno ro pasugtang maka-operate.
Sa makaron sigon hay nag-abot eon sa 52 ro mga compliant establishments samtang 97 iba pa ro igapaidaeom sa evaluation.
Masobra sa 400 establisimento pa sigon ro makabig nga non-compliant.
Padumdom it DENR sa mga business owners nga asikasuhon ro mga requirements sa andang ahensiya kamana man sa DILG ag DOT agud makabukas it andang mga negosyo sa gintaeanang oras.
Sa Oktubre 15 hay makaangkon it dry run, kon siin ro mga lokal nga turista kapin eon ro mga Aklanon ro pasugtang makasueod.
