KALIBO, Aklan—Nag-ililiba ro mga musicians ag dancers it Aklan State University Makato campus para sa sangka mini concert nga katuyuang makatipon it pondo agud makabulig sa mga biktima it pag-alburuto it bulkang Taal sa probinsya it Batangas.
Suno kay Dr. Arvin Kim Arnilla, academic chairman it ASU Makato campus nga ro benefit concert hay may titueong “Sayaw at Awit para sa Bakwit”.
Raya hay ginpatigayon ko Enero 24 it hapon sa sueod it nasambitang campus ag may P10 nga entrance fee.
Daywang local artists ro nagpasakop sa mini concert nga uwa it talent fee.
Mag-eowas sa ticket sales hay nagta-o man it cash donation ro faculty it nasambitang unibersidad.
Dugang pa ni Dr. Arnilla nga pamaagi kara hay maipamulat ro mga estudyante sa bayanihan spirit, makabatyag it kaeooy sa iba ag maging conscious sa mga kalamidad nga nagakatabo sa makaron sa nasyon.
