KALIBO, Aklan — Ginkumpirma it pamunuan it Civil Aviation Authority of the Philippines (CAAP)-Aklan sa Bombo Radyo nga umpisa kahapon nga adlaw, Agosto 1 hay exempted eon ro mga estudyante sa pagbayad it terminal fee para sa domestic flights sa tanan nga paeuparan sa nasyon.
Suno kay CAAP-Aklan Manager Engr. Eusebio Monserate, Jr. base sa andang nabaton nga mandato halin sa director general, ro estudyante nga enrolled halin it pre-school hasta kolehiyo hay exempted sa P200 nga terminal fee sa domestic destination.
Kaeakip man sa exemption ro mga estudyante halin sa technical ag vocational schools, maging ro mga una sa training centers.
Kinahang-ean eamang suno kana nga magpakita it lehitimo nga identification card ag magfill-up it pormas sa Malasakit Help Desks nga makit-an sa nasambitang paeuparan agud nga makabu-eo it certificate of exemption.
Samtang, ro mga nakabueo eon suno kana it ticket hay pwedeng mai-refund ro andang naibayad nga terminal fee pinaagi sa pagpadueong sa andang opisina agud nga maimporma ro empleyado ag maproseso ro refund it P200 nga ginbayad.
Mabahoe suno kana raya nga bulig sa mga estudyante.
