Libo-libong estudyante sa Indonesia ro nagprotesta agud nga kondenahon ro gina-alegar nga bukon it bastante nga pagsabat it gobyerno sa naga-grabeng haze nga tuga it mga sunog sa kagueangan, nga nakaapekto man sa pilang kaiping nga nasyon sa Southeast Asia.
Masobra sa 500 nga katawo ro nagpasakop sa protesta ko adlaw it Biyernes sa guwa it taeatapan it gobernador sa Central Kalimantan, sa kabisera kara nga Palangka Raya.
Ginhinyu it mga nagprotesta kay Indonesian President Prabowo Subianto nga magdeklara it national emergency ag magpatuman it mas hugut nga tikang kontra sa mga hilimuon nga pang-agrikultura nga nagtuga it sunog sa kagueangan.
Pinaka-grabe sigon sa nagtaliwan nga napueong dag-on ro mga sunog nga nailista sa Indonesia makaron nga dag-on nga nagtuga it grabeng polusyon sa hangin.
Suno sa Ministry of Health it nasyon, masobra sa 333,470 residente sa pitong probinsya ro naka-eksperyensiya it acute respiratory illnesses.
Mag-eowas sa Indonesia, naapektuhan man it haze ro kalidad it hangin sa Singapore, Malaysia ag iba pang parte it Southeast Asia.
