Business News ———Gusto it Philippine Exporters Confederation Inc. (Philexport) ag Export Development Council (EDC) nga ipaiway anay it Philippine Ports Authority ro pag-apruba sa ginaduso nga pagpataas sa cargo handling tariff and passenger terminal fee sa Manila North Port.
Mag-eowas kara, gina-hirit man nanda ro suspensyon it pagpatuman it mandatory nga pagkilo it export containers sa tunga it kabudlay nga ginapangatubang it parehong micro, small and medium enterprises (MSMEs) ag mga exporters.
Suno kay EDC-Networking Committee on Transport and Logistics Chairman Enrico Basilio ag Philexport Executive Vice President Senen Perlada nga ro rate increase nga ginahirit it Manila North Harbour Port Incorporated hay indi dapat nga madayon hasta nga owa pa it regulatory impact assessment agud nga matumod ro regulatory burden it proposal engkaso nga maaprubahan.
Ginaduso ro 15.33 percent nga pagtaas sa cargo handling rates sa North Port.
Nauna kara, ginpahayag ni Philexport president Sergio Ortiz-Luis Jr. nga engkaso nga maduso ro ginaproponer nga cargo handling tariff hike, raya hay nagakahueugan it dugang nga gastos sa MSMEs nga padayon nga nagabatyag sa epekto it COVID-19 pandemic.
