Mga factory worker sa India, nagasuksok it camera sa ueo bilang training sa AI nga magabueos kanda

Ginapahayag nga indi mabuslan it artificial intelligence (AI) ro talento ag abilidad it sangka tawo.

Apang sa India, ginakabaeak-an nga raya eon ro magabueos sa mga trabahador.

Sa sangka video nga nagakalhit online, makita nga nagasuksok it camera sa andang mga ueo ro mga trabahador sa sangka garment factory.

Maskin nga owa pa it kumpirmasyon, ginakabaeak-an nga ginhimo raya para ma-record ro hueag it mga trabahador agud magamit it mga kompaniya ro mga video sa pag-train it AI-powered robots nga posibleng sa masunod nga mga inadlaw hay sanda ro magabueos sa mga raya.

Eakip sa na-capture it camera ro hueag it andang alima, kaibahan ro coordination ag task execution.